உண்மையும் போலியும்

உண்மையும் போலியும் 

பாரதி தான் கூறியபடி தேச பக்தனாக வாழ்ந்தான்
உடல் மறைந்தது அவன் எண்ணங்கள் இன்னும்
வாழுகின்றன

இன்று அவன் எழுதி வைத்ததை
அனைவரும் படிக்கிறார்கள்
பட்டி மன்றம் போட்டு பேசுகிறார்கள்
ஆனால் அவன் கொள்கைகளை
காலில் போட்டு மிதிக்கிறார்கள்
வாழ்வில் கடைபிடிப்பாரில்லை

மாதர் தம்மை இழிவு செய்யும் மடமையை 
கொளுத்துவோம் என்றான் அவன் 

ஆனால் மாமியாரும் மருமகனும் கேட்ட உடைமைகளை 
தராததால் மருமகளை கொளுத்திவிட்டு சிறை செல்கின்றனர் 

கச்சணிந்த கொங்கை மாதர் கண்கள் வீசும்போதும்
அச்சமில்லை அச்சமில்லை அச்சமென்பதில்லையே என்றான் பாரதி

இன்று வாலிபர்களின் மனதில் காம தீயை மூட்டி கச்சை  அணிந்து தாறுமாறாக குத்தாட்டம் போட்டு தங்களை தாழ்த்திக்கொண்டு
காசு பார்க்கும் மாதர் பெருகிவிட்டனர்
ஆனால் எய்தவன் இருக்க அம்பை தண்டிக்கிறது மக்கள் கூட்டம் 

வெள்ளையனை எதிர்த்து சுதேசி கப்பலோட்டி சிறை சென்று
செக்கிழுத்து புகழ் படைத்தார் வ வு சிதம்பரனார்

நம் நாட்டு சொத்துக்களையே கொள்ளைஅடித்து மக்களை ஏமாற்றி
சொகுசு கார்களில் வலம் வருகின்றனர் தேச துரோகிகள்

உண்மையாய் வாழ்ந்தவர்கள் நாட்டிற்காக தங்கள் உயிரை துறந்தனர் அன்று
அவர்கள் போல் நடித்துவிட்டு காட்சிக்கு காட்சி பீர் அருந்தி மகிழ்கின்றார் இன்று

பல தலைவர்களின் தியாகத்தால் பெற்ற சுதந்திரம் இன்று பறி போய்கொண்டிருக்கின்றது சுயநலம் கொண்ட அரசியல் தலைவர்களால் 

உண்மையை போலிகள் விழுங்கிகொண்டிருக்கின்றன 
எலிகள் பயிர் செய்த உணவை விழுங்குவதுபோல் 

மதவெறி,ஜாதிவெறி என்னும் நச்சு பாம்புகள் பெருகிவிட்டன 
சாலையில் நடப்போரைஎல்லாம் கடித்து கொல்லுகின்றன 
தடுப்பாரும் இல்லை அவைகளை அடித்து கொல்வாரும் இல்லை

உழைப்பவர்களின் உடைமைகளை
கொள்ளைஅடிக்கும்   கூட்டம் பெருகிவிட்டது
தடுக்க வேண்டியவர்களோ அவர்களின் தலைவர் ஆகிவிட்டனர்
.
பாவம் மக்கள்.